ගිනි හුලකින් මුළු ලොවම දැවුනු පසු..

ගිනි හුලකින් මුළු ලොවම දැවුනු පසු

කණාමැදිරි එලියටත් බයයි මම..

විසිරී ගිය සිත එකලස් කල පසු

යලි විසිරී යයි දෝ සැකයි මට..

නෙතින් කතා කල වදන් හැදින්නෙමි

දහස් නෙතු අතර ඒ නෙතු සෙව්වෙමි

එකසැරයක් හදවත පුද දුන් පසු..

ඔබට පුදන්නට හදක් කොයිද මට

හසරැලි තුල වූ සෙනෙහස වින්දෙමි

දහසක් රුව මැද ඒ රුව පතුවෙමි

විරහ කඳුලු වැල් සිත බොඳ කල පසු..

ඔබව පතන්නට සිතක් කොයිද මට